«Էրեբունի»-ում ստեղծվել է TUMOR BOARD. erebunimed.com

Հաշվի առնելով ուռուցքային հիվանդությունների տարածվածությունը եւ դրանց դեմ պայքարի համաշխարհային մարտահրավերները, «Էրեբունի» ԲԿ գլխավոր տնօրեն Հարություն Քուշկյանի հրամանով բուժհաստատությունում ստեղծվել է բազմադիսցիպլինար թիմ, ինչպես ընդունված է կոչել Tumor board:

Թիմը կգլխավորի «Էրեբունի» ԲԿ ուռուցքաբանական ծառայությունների գծով փոխտնօրեն Հայկուհի Գյոկչյանը: Թիմում ընդգրկված են կոլոպրոկտոլոգիական ծառայության ղեկավար Կարեն Շահնազարյանը, ընդհանուր և կրծքավանդակի վիրաբուժական ծառայության ղեկավար Արտակ Հովհաննիսյանը, մամմոլոգիայի և կրծքագեղձի վիրաբուժական ծառայության ղեկավար Ներսես Բերբերյանը, համակարգչային տոմոգրաֆիայի ծառայության ռադիոլոգ Հայկ Սիմոնյանը, ինչպես նաեւ հիվանդին վիրահատող եւ բուժող բժիշկները:

Ըստ պաթոլոգիայի՝ աշխատանքային խմբում կարող են ներգրավվել նաեւ անոթային և լազերային վիրաբուժության ծառայության ղեկավար Արամ Բադալյանը, պարանոցային անոթների և սրտի վիրաբուժության ծառայության ղեկավար Մեսրոպ Շատախյանը, ուրոլոգիական բաժանմունքի ղեկավար Տիգրան Կարապետյանը, նյադավիրաբուժական բաժանմունքի ղեկավար Մամիկոն Եղունյանը, ընդհանուր և էնդոկրին վիրաբուժական բաժանմունքի ղեկավար Լեւոն Մխիթարյանը, ինչպես նաեւ «Նաիրի» բժշկական կենտրոնի օնկոգինեկոլոգիական բաժանմունքի ղեկավար Արտեմ Ստեփանյանը:

Tumor board-ի ստեղծման կարեւորագույն նպատակը բուժհաստատությունում մատուցվող ուռուցքաբանական ծառայությունների որակի բարձրացումն է, մասնավորապես՝ վիրաբույժների ամբողջական ներգրավումը ուռուցքային հիվանդությունների բուժման գործընթացում եւ ադմինիստրատիվ հսկողության սահմանումը:

Հարցեր, պատասխաններ, մեկնաբանություններ